tg-me.com/alakelaa/16687
Last Update:
لسان حال مولاتي زينب عليها السلام
من زمان الموت متمنيته
من شفت عباس ذب جفيته
ذبهه من حشمته بس مابي يكوم
اكبال عينه الكوم حركو بيته
..................
هيج وافتح عيني والكه خواني كلهم كاعدين
بيدهم سدو اعيوني وللجنازه محزمين
لابسين اسود عليه وبالجفافي منكبين
المصيبه الفاركوني وين ابو كلب الحنين
راحت شلونج يزبنب من مشو
الگضت عشرة عمر وياهم گضو
شماله وكتي مقصره وياه بحجاب
اخذ مني اعزاز كلبي وخلصو
اه يا عازت اخواني. اه يا عازت اخواني
.... .........
العيشه صارت عكب اخوتي اعليه كلش باهته
ثاري من يفارگ اخته الاخو تبين عازته
الموتاني وأنه عدله الشمر مشه حجايته
ياوكت هو اليسولف وانه زينب ساكته
ارد اسولف سالفه اعله الساده
شوكت صار السبي عدكم عاده
بالسبي عمتكم تكوم وتطيح
وللضعن مامش زلم نشاده
اه يا عازت اخواني. اه يا عازت اخواني
.................
صافنه واحجي ويه روحي شلون عدله وما متت
حافيه ومشدوده اديني و عالكفل ضعني فتت
كلت اسلم بلكت الله ايرد علي لو سلمت
سلمت مارد عليه هنانه كلش ايست
صحت وينك يابو كعده الدافيه
الدللتهه اعليك عبرت حافيه
خويه راح امشي بدرب كل خطوه عين
وراح وكت الراضيه ومو راضيه
اه يا عازت اخواني. اه يا عازت اخواني
............
شكد جبيره اعليه جانت خويه عنكم رايحه
فشله من اخواني اروحن ثاني يوم الفاتحه
شيخ عام بلا خوات اعليه تبجي وصايحه
الله ينطي الزهره امي هناك ظلت نايحه
كون ميته ولا اشوفن هل عذاب
صوت ماظل للنعاوي من التراب
دنيا جانت بس عطش وخواني ماي
ذبحو الماي ونشف حتى السراب
اه يا عازت اخواني. اه يا عازت اخواني
...................
الخادم موسى البطلي
BY قناة قُربان الله
Warning: Undefined variable $i in /var/www/tg-me/post.php on line 283
Share with your friend now:
tg-me.com/alakelaa/16687